औरंगाबाद (प्रतिनिधी)- सिडको एन-दोन येथील जिल्हा क्रिकेट असोसिएशनच्या मैदानावर सुरु असलेल्या एएसआर-मसिआ टेनिस बॉल क्रिकेट स्पर्धेत रविवारी (ता.२७) दोन सामने झाले. यात सुपरब पॉलीपॅक स्ट्रायकर्स,चंद्रा इलेक्टिक्स मिडयाने दणदणीत विजय मिळवला.
स्पर्धेत रविवारी पहिल्या सामन्यात सुपरब पॉलीपॅक स्ट्रायकर्स मसिआ (ए) रिऑन वॉरियर मासिआ बी यांच्यात झाला.यात प्रथम फलंदाजी करता सुपरब पॉलीपॅक स्ट्रायकर्सने १५ षटकांत ६ बाद १६७ धावा केल्या. यात गजानन भानुसे यांनी आक्रमक खेळी करीत ८३ धावा काढल्या. तर मयुर चौधरी यांनी ३० धावा काढल्या. रिऑन वॉरियर कडून गरिष खत्री यांनी दोघांना बाद केले. या धावसंख्याचा पाठलाग करताना रिऑन वॉरियरने १५ षटकात ८ बाद केवळ ९० धावा काढल्या. यात रोहन राठोड २४, मंगेश निटुरकर यांनी१५ धावा काढल्या. या सामन्यात मॅन ऑफ द मॅच ही गजानन भानुसे यांना मिळाले.
दुसऱ्या सामना हा इन्ड्रेस हाऊजर विरुद्ध चंद्रा मिडिया यांच्यात झाला. यात पहिल्यांदाज फलंदाजी करताना चंद्रा मिडियाने १५ षटकांत ७ बाद १६७ धावा केल्या. यात किरण बदाडे यांनी अक्रमपणे खेळी करीत ३९ धावा केली. ऋषीकेश ३७ विजय आहिरे २० धावा केल्या. इन्ड्रेस हाऊजकडून अभिजित वैघ २ गडी बाद केले. प्रति उत्तरात इन्ड्रेस हाऊजर १२ षटकात सर्वबाद केवळ ६४ धावा केल्या. यात जयेश पोकळे यांनी १८, अभिजित शेवाडकर-१० धावा केल्या. चंद्रा कडून मिडियाकडून विजय आहिरे यांनी चांगली गोलंदाजी करीत २ गडी बाद केले. या समान्यात किरण बदाडे मॅन ऑफ द मॅच रहिला. यावेळी आयोजक श्रीधर नवघरे, उद्योजक अजित मुळे, मनिष अग्रवाल, मसिआचे अध्यक्ष नारायण पवार, मंगेश निटुरकर उपस्थित होते. पंच म्हणून डॉ. अरून सुरडकर ,विलास राजपूत, स्कोरर म्हणून सागर पांडे,व कॉमेंटेटर म्हणून दिलीप खिस्ती यांनी काम पाहिले.