छत्रपती संभाजीनगर(प्रतिनिधी): अकोला येथे होणाऱ्या युथ मुलांच्या राज्यस्तरीय बॉक्सिंग स्पर्धेसाठी छत्रपती संभाजीनगरच्या संघाची घोषणा शहर संघटनेचे सचिव पंकज भारसाखळे यांनी केली.विभागीय क्रीडा संकुलाच्या बॉक्सिंग हॉलमध्ये नुकत्याच झालेल्या निवड चाचणी स्पर्धेतून छत्रपती संभाजीनगर शहराचा बॉक्सिंग संघ निवडण्यात आला.
विविध वजन गटात विजय ठरलेला खेळाडूंचा संभाजीनगर शहर बॉक्सिंग संघात समावेश करण्यात आला असून, ५४-५७ किलो: अमित दाभाडे, ५७-६० किलो: अनिकेत राठोड, ६०-६३.५ किलो: जयेश वाघुले, ६३.५-६७ किलो: दर्शन भुरेवाटे, ८०-८६ किलो: गौरव म्हस्के आणि ९२+ वजन गटात कुतुबुद्दीन काद्री यांचा समावेश असून संघाच्या प्रशिक्षकपदी राहुल टाक यांची नियुक्ती करण्यात आली आहे.