संभाजीनगर(प्रतिनिधी): जिल्हा क्रीडा अधिकारी कार्यालय औरंगाबाद यांच्या द्वारे आयोजित विभाग स्तर नेहरू हॉकी स्पर्धेला भारतीय खेल प्राधिकरण SAI येथे प्रारंभ झाला. १५ व १७ वर्ष गटातील मुले व १७ वर्ष गटातील मुलीच्या स्पर्धचे आयोजन केले गेले आहे.आज झालेल्या १५ वर्ष गटातील मुलांच्या सामन्यात बीड संघाने जालना संघाला १ गोलणे पराभूत करुन पुढील फेरी गाठली.
तर औरंगाबाद जिल्हा संघ डिफेन्स करियर अकॅडमी संघाने औं. बाद मनपा हद्दीतील होली क्रॉस इं. शाळेस ३ : ० ने पराभूत केले. मुलींच्या गटात रेजिमेटल हायस्कूल ने बीड च्या संघाला १ : ० ने पराभूत करुन पुढील फेरी गाठली.१७ वर्ष ज्यु.मुलांच्या गटात साई पब्लिक स्कूल बाजार सावंगी संघाने बीडच्या साने गुरुजी विद्यालय संघाला ३ : ० ने पराभूत करुन विजेतेपद मिळविले
१७ वर्ष मुलींच्या गटात आर जे इंटर नॅशनल स्कूल ने रेजिमेंटल संघाला १:० ने पराभूत करुन विजेतेपद पटकावले तसेच सब ज्युनियर १५ वर्ष मुलांच्या गटात डिफेन्स करीअर अकॅडमी संघाने जालना संघाला ३:० ने पराभूत केले. साई पब्लिक स्कूल,डिफेन्स करीअर अकॅडमीआर जे इंटर नॅशनल स्कूल यांची 20 ते 24 ऑगस्ट दरम्यान पुणे येथे होणाऱ्या राज्यस्तरीय नेहरू कप हॉकी स्पर्धेसाठी निवड झाली आहे.