छत्रपती संभाजीनगर (प्रतिनिधी): नुकत्याच पार मनीला, फिलिपिन्स येथे आंतरराष्ट्रीय जिम्नास्टिक्स महासंघ द्वारे एरोबिक्स जिम्नॅस्टिकच्या आंतरराष्ट्रीय पंच परीक्षा घेण्यात आल्या. या परीक्षेत भारतातून चार पंच परीक्षेसाठी पाठवण्यात आले होते. यात महाराष्ट्राचे डॉ. मकरंद जोशी व सिद्धार्थ कदम हे या परीक्षेत उत्तीर्ण झाले आहे.
डॉक्टर मकरंद जोशी हे 2001 पासून सातत्याने आंतरराष्ट्रीय पंच परीक्षेत पूर्ण होणारे भारताचे सर्वात अनुभवी पंच आहेत. दर ऑलिंपिक नंतर होणाऱ्या जिम्नास्टिक्स मधील गुणप्रदान संहिते नुसार पंच परीक्षा उत्तीर्ण होणे आवश्यक असते. डॉक्टर मकरंद जोशी यांनी 2001, 2005, 2009, 2013, 2017, 2022, व 2025 अशा सात ऑलिंपिक सायकलच्या परीक्षा सातत्याने उत्तीर्ण होत पंच पात्रता 3 स्तर प्राप्त केला आहे. हा स्तर प्राप्त करणारे ते भारतातील एकमेव पंच आहेत.
तसेच त्यांची एशियन जिम्नॅस्टिक्स युनियन वर एरोबिक जिम्नास्टिक्सच्या तांत्रिक समितीचे सचिव म्हणून 2023 पासून त्यांची नियुक्ती करण्यात आली आहे. सिद्धार्थ कदम यांनीही 2017 2022 2025 च्या तीन ऑलिंपिक सायकल च्या पंचपरीक्षा यशस्वीरित्या उत्तीर्ण होत आपला ठसा उमटवला आहे.
दोघांचेही या यशाबद्दल जिम्नॅस्टिक्स फेडरेशन ऑफ इंडियाचे अध्यक्ष सुधीर मित्तल, कोषाध्यक्ष कौशिक बिडीवाला,महाराष्ट्र हौशी जिम्नॅस्टिक्स संघटनेचे अध्यक्ष श्री. संजय शेटे,उपाध्यक्ष डॉ.आदित्य जोशी, सहसंचालीका भारतीय क्रीडा प्राधिकरण NCOE पश्चिम विभाग केंद्र डॉ. मोनिका घुगे, युवराज नाईक क्रीडा व युवक सेवा संचालनालय छत्रपती संभाजीनगर, मसांमचे अध्यक्ष राम पातूरकर, सचिव हेमंत पातूरकर, जिल्हा संघटनेचे कार्याध्यक्ष ॲड.संकर्षण जोशी, उपाध्यक्ष डॉ.रणजीत पवार सचिव श्री.हर्षल मोगरे, कोषाध्यक्ष डॉ.सागर कुलकर्णी,डॉ.विशाल देशपांडे, अमेय जोशी, संदीप गायकवाड, राहुल तांदळे, रोहीत रोंघे, भारतीय क्रीडा प्राधिकरण पश्चिम विभाग जिम्नॅस्टिक्स प्रशिक्षक संजय मोरे,सौ.तनुजा गाढवे यांनी सर्वांनी अभिनंदन करून पुढील वाटचालीस शुभेच्छा दिल्या.
