महिला प्रीमिअर लीग 2023 स्पर्धेला मुंबई इंडियन्स संघाच्या रूपात पहिला विजेता मिळाला. पुरुषांच्या मुंबई इंडियन्स संघाप्रमाणेच महिलाच्या संघानेही आपली ताकद दाखवून दिली. सर्वप्रथम अंतिम सामन्याचे तिकीट मिळवणाऱ्या दिल्ली कॅपिटल्स संघाला मुंबईने पराभवाचा धक्का दिला. रविवारी (दि. 26 मार्च) ब्रेबॉर्न स्टेडिअमवर पार पडलेल्या अंतिम सामन्यात हरमनप्रीत कौर हिच्या नेतृत्वातील मुंबईने 7 विकेट्सने विजय साकारला. तसेच, डब्ल्यूपीएल 2023 स्पर्धेचे पहिले-वहिले विजेतेपद पटकावले.
सामन्याचा थोडक्यात आढावा
या सामन्यात दिल्ली कॅपिटल्स महिला संघाची कर्णधार मेग लॅनिंग हिने नाणेफेक जिंकत फलंदाजीचा निर्णय घेतला होता. यावेळी दिल्लीने निर्धारित 20 षटकात 9 विकेट्स गमावत 131 धावा केल्या. हे आव्हान मुंबई इंडियन्स महिला संघाने 7 विकेट्स राखून पूर्ण केले. तसेच, डब्ल्यूपीएल 2023 स्पर्धेचे विजेतेपद पटकावले.
जर ही कुस्तीची लढत असेल, तर दिल्ली कॅपिटल्स 9 बाद 79 धावांवर लाइफ सपोर्टवर असताना ती कदाचित रद्द झाली असती. तेथून, कॅपिटल्सने सनसनाटीपणे खेळाकडे वळले शिखा पांडे आणि राधा यादव यांच्या सौजन्याने खेळ शेवटच्या दोन षटकांत नेला आणि मुंबईला २१ धावांची गरज होती.
मग नॅट सायव्हर-ब्रंटने प्रचंड शांतता दाखवल्याने ते कोसळले. 52 चेंडूंच्या अर्धशतकासह डाव स्थिर ठेवत तिने जेस जोनासेनला महत्त्वाच्या चौकारावर स्वीप केले. त्याचा कॅपिटल्सवर विपरित परिणाम झाला.अमेलिया केरने त्यांना दारापर्यंत नेण्यासाठी आणखी दोन चौकार मारण्यात यश मिळवले. स्कायव्हर-ब्रंटने नंतर अॅलिस कॅप्सीला शॉर्ट फाईन लेगमधून पॅडल मारताना योग्यरित्या गेम पूर्ण केला. तिने 60 धावांवर नाबाद राहून मुंबईला डब्ल्यूपीएलचे पहिले विजेतेपद मिळवून दिले.
हरमनप्रीत कौरच्या संघाने मेग लॅनिंगला मागे टाकले होते आणि एकतर्फी फायनल सारखी दिसली ती खूप आनंदाची राइड होती, कारण शेवटच्या ओव्हरच्या समाप्तीसह ग्रँड फिनाले एका टप्प्यावर शक्य आहे असे कोणालाही वाटले नसेल.
मुंबईची झुंजार खेळी
मुंबई इंडियन्स संघाची सुरुवात खास ठरली नाही. मात्र, नंतर मुंबईची गाडी रुळावर आली. मुंबईला पहिले दोन धक्के यास्तिका भाटिया (4 धावा) आणि आणि हेली मॅथ्यूज (13 धावा) यांच्या रूपात अनुक्रमे 13 आणि 23 धावसंख्येवर बसले. त्यानंतर हरमनप्रीत कौर आणि नॅट सायव्हर-ब्रंट यांनी डाव सांभाळला. त्यांच्यात 72 धावांची भागीदारी झाली. यावेळी हरमनप्रीत 37 धावांवर बाद झाली. मात्र, ब्रंटने शेवटपर्यंत झुंज दिली.
शिखा आणि राधाची खेळी व्यर्थ
तत्पूर्वी प्रथम फलंदाजी करताना दिल्लीकडून शिखा पांडे आणि राधा यादव यांनी कौतुकास्पद खेळी केली. संघ शंभर धावांसाठी संघर्ष करत असताना त्यांनी प्रत्येकी 27 धावांचे योगदान दिले. यावेळी दोघींमध्ये 52 धावांची भागीदारी रचली. मात्र, त्यांची खेळी व्यर्थ ठरली. दिल्लीकडून सर्वाधिक धावा कर्णधार मेग लॅनिंग हिने केल्या. तिने यावेळी 35 धावांचे योगदान दिले. तिच्याव्यतिरिक्त मारिझाने केप हिने 18 धावा आणि शफाली वर्मा हिने 11 धावांचे योगदान दिले. इतर एकही फलंदाज दोन आकडी धावसंख्या करू शकला नाही. एलिस कॅप्सी, अरुंधती रेड्डी आणि तानिया भाटिया यांना शून्यावर तंबूत परतावे लागले.
यावेळी मुंबईकडून गोलंदाजी करताना हेली मॅथ्यूज हिने शानदार कामगिरी केली. हेलीने 4 षटके गोलंदाजी करताना 2 निर्धाव षटकांसह फक्त 5 धावा खर्च करत 3 विकेट्स घेतल्या. तिच्याव्यतिरिक्त एलिमिनेटर सामन्यात धमाल कामगिरी करणारी इझी वोंग अंतिम सामन्यातही चमकली. वोंगने 4 षटके गोलंदाजी करताना 42 धावा खर्च करत 3 विकेट्स घेतल्या. याव्यतिरिक्त, अमेलिया केर हिनेदेखील 2 विकेट्स आपल्या नावावर केल्या.
महिला प्रीमिअर लीग 2023 स्पर्धेला मुंबई इंडियन्सच्या रूपात पहिला वहिला विजेता संघ मिळाला आहे. या विजयामुळे कदाचित पुरुष मुंबई इंडियन्स संघाचाही आत्मविश्वास वाढला असेल. कारण, 31 मार्चपासून आयपीएल 2023 हंगामाला सुरुवात होत आहे.
