आयपीएलच्या दुसऱ्या पर्वा च्या तिसऱ्या सामन्यामध्ये पंजाब समोर राजस्थानचे आव्हान आहे. तर यामध्ये अष्टपैलू खेळाडू महिपाल लोमारोर याने केलेल्या तुफानी फटकेबाजी च्या जोरावर राजस्थान ने 185 धावांपर्यंत मजल मारली आहे. त्याने अवघ्या 17 चेंडूतच 2 चौकार व 4 षटकारांच्या मदतीने 43 धावा केल्या. त्याच्याशिवाय जायस्वाल नेही 49 तर लेवीज ने तेज 36 धावांचे योगदान दिले. आता पंजाब समोर 186 धावांचे आव्हान असणार आहे.
नाणेफेक जिंकून पंजाबने प्रथम गोलंदाजी करण्याचा निर्णय घेतला. मात्र त्याचा हा निर्णय अंगलट पडला. राजस्थानच्या सलामीवीरांनी संघाला चांगली सुरुवात करून दिली. ईवान लेवीज आणि जायस्वाल या दोघांनी पहिल्या गडी साठी अर्धशतकीय सलामी दिली. नंतर कर्णधार संजू सॅमसन मात्र सपशेल अपयशी ठरला. मध्यंतरी महिपाल लोमरोरने मात्र तुफानी फटकेबाजी करत उपस्थितांची मने जिंकली. त्याने दीपक हूडाच्या एकाच षटकात 2 चौकार व 2 षटकारांच्या मदतीने 24 धावा कुठल्या. राजस्थान कडून लोमारोर शिवाय सलामीवीर यशस्वी जयस्वाल 49, लेविस ने 36 उत्तर लिविंगस्टने 25 धावांचे योगदान दिले. तर पंजाब कडून युवा गोलंदाज अर्षदीप सींगने त्याच्या टी-ट्वेंटी कारकीर्द मध्ये पहिल्यांदाच पाच बडी तर मोहम्मद शमी ने तीन गडी बाद केले. पंजाब कडेही टी ट्वेंटी चे चांगले फलंदाज आहे म्हणून हा सामना रंगतदार होण्याची शक्यता आहे.